O primeiro campo de fútbol que se usou na vila estaba no Laranxal, no que hoxe é a zona sur do cemiterio vello. Os primeiros partidos xogáronse na década dos 20. Logo usouse outro na estrada do
Casal, ao lado da casa de Xende. Durante os anos 30 e 40 os diversos equipos
afeccionados de Ordes xogaron neses lugares.
Posteriormente, a finais dos 40, usouse un campo no lugar da Pinguela a carón do río Cabrón. Por certo que por alí tamén estaba o lugar chamado Maribalda, onde se ían bañar moitos rapaces da vila e dos arredores.
Posteriormente, a finais dos 40, usouse un campo no lugar da Pinguela a carón do río Cabrón. Por certo que por alí tamén estaba o lugar chamado Maribalda, onde se ían bañar moitos rapaces da vila e dos arredores.
Nos anos 50 decidiuse construír un campo de
nivel e fíxose en Vista Alegre. Como curiosidade, ao lado estaba a chousa de
Juanito de Lopas que tiña fama de ser un lugar encantado onde aparecía a
estadea. En realidade o seu fillo maior, Alfonso Ruibal (alcumado o Canaima), logo emigrado a Uruguay,
era un bromista que se dedicaba a disfrazarse cunha saba e poñer medo aos
paseantes nocturnos.
A corporación concedeu 200.000 pesetas da época e as obras do novo campo empezaron no ano 1952. No ano 1953 o campo xa estaba operativo aínda que sen rematar a tribuna cuberta para 300 persoas.
Foi inaugurado (aínda en obras) o 15 de agosto de 1953, durante as festas patronais, cun partido contra o Bergantiños FC de Carballo que rematou 4-0 e que lle valeu ao Órdenes FC o 2º torneo "Viriato" (o industrial doaba o trofeo). Ao día seguinte o equipo derrotou ao Arzúa FC por 2-1 e gañou outro trofeo doado pola Casa Monplet. Destacou naquel equipo, dirixido polo adestrador Ignacio Castro Ramos, o xogador do Vista Alegre compostelán Chispa (Carlos Rodríguez Martínez).
A corporación concedeu 200.000 pesetas da época e as obras do novo campo empezaron no ano 1952. No ano 1953 o campo xa estaba operativo aínda que sen rematar a tribuna cuberta para 300 persoas.
Foi inaugurado (aínda en obras) o 15 de agosto de 1953, durante as festas patronais, cun partido contra o Bergantiños FC de Carballo que rematou 4-0 e que lle valeu ao Órdenes FC o 2º torneo "Viriato" (o industrial doaba o trofeo). Ao día seguinte o equipo derrotou ao Arzúa FC por 2-1 e gañou outro trofeo doado pola Casa Monplet. Destacou naquel equipo, dirixido polo adestrador Ignacio Castro Ramos, o xogador do Vista Alegre compostelán Chispa (Carlos Rodríguez Martínez).
O primeiro partido oficial, non obstante, tivo lugar o domingo 6 de decembro de 1953 con bendición incluída do párroco D. Joaquín Andrade Orza. O Ordes empatou co Astano 1-1. Xogaron naquel partido Milucho, Janito, Nando, Vila, Astray, Cuca, Félix, Merrellas, Moncho, Álvarez e Toniño. O presidente do club era Antonio Concheiro.
Dende a súa construción concitou a xeral admiración. O xornalista Henry que comentou o partido Ordes - Fabril en marzo de 1954 escribiu:
Dende a súa construción concitou a xeral admiración. O xornalista Henry que comentou o partido Ordes - Fabril en marzo de 1954 escribiu:
Lo que nos impresionó fue ver el campo -recién construido- que aparte de
su belleza como recinto deportivo, tiene un césped en unas condiciones
maravillosas, pues a pesar de las lluvias no tiene un charco ni hay barro ni
nada por el estilo. Una obra perfectamente hecha que es motivo de orgullo y
satisfacción por parte de toda esa entusiástica y dinámica afición de
Órdenes... Y no solo se ha logrado un rectángulo de juego -superior a
cualquiera de Galicia- sino que los vestuarios son sencillamente magníficos,
incluso superiores a muchos de Primera División Nacional. Una obra de gran
envergadura lo que el municipio y el pueblo de Órdenes han llevado a cabo.
Ao mesmo tempo naceu o equipo federado da SD Órdenes. Foi unha época dourada porque os equipos fortes de Coruña e Santiago
cedían ás súas promesa para que se foguearan en Ordes e xa no 1956 acadouse o
gran logro de subir á terceira división. Logo o equipo pasou épocas mellores e
outras peores pero nunca chegou tan alto.
O campo foi pisado por centos de xogadores.
Mesmo o gran Amancio Amaro xa retirado xogou un partido de veteranos nel. Tamén
nos anos 80, o Sevilla FC nunha pretempada que se aloxou no hotel "Os
Carballos" empregouno para adestrar. Posiblemente na idea de vir a esta
zona tivese influencia o betanceiro Paco Buyo, entón porteiro dese equipo.
O campo mantívose máis ou menos igual durante case 30 anos. No ano 1982 foi posto a punto para ser sede do "Mundialito da Emigración". Xa no ano 2009, sendo alcalde Manuel Regos Boquete e concelleiro de Urbanismo e Obras Roberto J. González Santos, comezou a construción do que se chama agora "Cidade deportiva Vista Alegre", un complexo de
No hay comentarios:
Publicar un comentario