Poboación da comarca en 1873

 

  Velaquí os datos de poboación da comarca tomados do Nomenclátor de 1873, no que non aparece, non sei a razón, a parroquia de Buscás. As outras 74 sumaban en total 25.142 habitantes. Estimando por outras vías que Buscás debía ter arredor dos 500 habitantes, a poboación total da comarca roldaría os 25.650 habitantes, polo que a súa densidade media era de case 34 habitantes por km cadrado.

  E debo recordar de novo que os censos de todo o século XIX son de moi escasa fiabilidade (normalmente estaban un pouco inchados), así que non tomedes estes datos ao pé da letra.

 

Nomenclátor de 1873 - Poboación da comarca de Ordes
Abellá 481 (38)	Céltigos 181 (49)	Numide 171 (29)
Aiazo 250 (50)	Cerceda 578 (42)	Olas 313 (41)
Albixoi 294 (39)	Cumbraos 201 (23)	Ordes 958 (96)
Andoio 225 (35)	Chaián 393 (51)	Oroso 496 (49)
Ánxeles 291 (39)	Deixebre 140 (28)	Papucín 240 (35)
Anxeriz 385 (24)	Encrobas 970 (42)	Parada 551 (46)
Añá 286 (57)	Frades 225 (24)	Pasarelos 180 (41)
Ardemil 758 (35)	Gafoi 215 (38)	Pereira 345 (31)
Barbeiros 299 (29)	Galegos 180 (26)	Poulo 422 (52)
Bardaos 267 (29)	Gándara 160 (23)	Queixas 701 (32)
Bascoi 172 (16)	Gorgullos 467 (20)	Restande 261 (38)
Beán 371 (42)	Lanzá 159 (32)	Rodís 926 (34)
Benza 297 (34)	Ledoira 238 (55)	Senra 428 (53)
Berreo 213 (28)	Leira 513 (34)	Tordoia 196 (63)
Boado 242 (33)	Leobalde 149 (31)	Trasmonte 324 (43)
Bruma 176 (88)	Lesta 235 (20)	Trazo 210 (21)
Buscás ?	Marzoa 171 (27)	Vilouchada 166 (22)
Cabaleiros 533 (34)	Meirama 320 (27)	Viladabade 483 (26)
Cabrui 203 (15)	Mercurín 299 (20)	Vilamaior 390 (42)
Calvente 130 (30)	Mesía 487 (34)	Vilarromariz 230 (33)
Campo 326 (29)	Mesos 427 (85)	Visantoña 469 (41)
Cardama 250 (44)	Moar 500 (66)	Vitre 265 (26)
Castelo 124 (18)	Montaos 404 (38)	Xanceda 397 (24)
Castenda 285 (22)	Monzo 138 (22)	Xavestre 646 (38)
Castro 145 (32)	Morlán 251 (25)	Xesteda 370 (22)

 

  Como podedes ver as 10 parroquias máis poboadas eran: As Encrobas, Ordes, Rodís, Ardemil, Queixas, Xavestre, Cerceda, Parada, Cabaleiros e Leira.

  A presenza de 5 das 6 parroquias de Cerceda é debido máis ao seu gran tamaño que a que tivesen maior densidade de poboación.

  A parroquia menos poboada era Castelo (Trazo), aínda que menor densidade de poboación había en Cabrui e Bascoi no concello de Mesía.

  Non obstante había moita menos desigualdade que na actualidade. A diferenza entre a parroquia máis poboada (Encrobas) e a menos poboada (Castelo) era de menos de 900 habitantes, mentres que na actualidade a parroquia de Ordes supera á poboación total de cada concello da comarca, agás Oroso.

 

POBOACIÓN por CONCELLOS e DENSIDADE en 1873
Cerceda: 3.865 (34 hab/km2) Mesía: 3.258 (30 hab/km2) Oroso: 2.800 (38 hab/km2) Trazo: 3.025 (30 hab/km2)	Frades: 3.488 (42 hab/km2) Ordes: +- 6.053 (38 hab/km2) Tordoia: 3.161 (25 hab/km2) Comarca: 25.650 (34 hab/km2)

 

  O concello máis poboado era Ordes con máis de 6.000 habitantes e Oroso (quen o diría!) era o que tiña menos xente.

  E por se non vos decatastes, Frades, Mesía, Tordoia e Trazo teñen menos poboación na actualidade que naquel lonxano 1873. Tordoia que tiña só 20 habitantes máis no ano 2024, baixou no 2025.