Festas de Montaos

 

   Unhas das festas patronais máis interesantes eran as de Montaos porque ao estar dedicadas á Santa Cruz, os veciños fabricaban cruces de madeira que nalgúns casos eran de tamaños espectaculares como podedes ver nestas dúas fotos que me pasou Carlos Calvo, tomadas diante da igrexa parroquial.

  Pero as festas non se celebraron sempre na mesma data. A razón?

 

As festas patronais de Santa Cruz de Montaos antigamente celebrábanse o 3 e o 4 de maio de cada ano. O día 3 é o verdadeiro que está dedicado á Santa Cruz, pero houbo un tempo no que a pobreza era tanta, que moitos veciños non tiñan con que facer a comida da festa, xa que aínda non había patacas novas e as vellas acabáranse. O trigo, o centeo e o millo tampouco se recolleran. Era un mes de fame, e falaron co cura e mudárona para o 14 e 15 de setembro, datas nas que se celebra a exaltación da Santa Cruz, e en dito mes xa hai novas colleitas.   Agora a festa tamén cambiou de días, pero afortunadamente non foi por non ter con que facela, senón para que non coincida en días laborables. Victorino Cores liste

 

  Tamén era habitual celebrar a festa da Virxe do Carme en xullo e a do Santo Rosario a finais de outubro. Na carballeira da capela de San Antón hai unha concorrida romaría con longa tradición desde o século XVIII. Para rematar, velaquí un par de noticias de principios do século XX.

 

El Compostelano, 12 de septiembre de 1922.   Los días 14 y 15 del corriente mes se celebrarán grandes fiestas en la parroquia de Santa Cruz de Montaos, del partido de Órdenes.   Los bailes campestres serán amenizados por la afamada música de Arca.   Habrá vistosas iluminaciones y se quemarán fuegos de artificio.   Los festejos son sufragados por el digno párroco don Antonio Duro, que no escatima gasto alguno a fin de que aquellos resulten lo más brillantes que sea posible.

El Ideal Gallego, 3 de julio de 1942.   En la parroquia de Santa Cruz de Montaos se celebrará el próximo domingo, día 5 de los corrientes la festividad de Nuestra Señora del Carmen con que anualmente honran aquellos vecinos a su excelsa patrona. Habrá misa solemne, procesión, cantándose ante el crucero la Salve pidiendo por la paz del mundo. Por la tarde se celebrará romería, amenizada por una afinada banda y gaitas.