Pensións no ano 2025

   O peso da industria era evidente vendo as pensións que cobraban os galegos no ano 2025.

  Os que tiñan a pensión máis alta eran os vecinos das Pontes con 1.191 euros, cifra ligada á súa central térmica. Os segundos pensionistas mellor pagados eran os de Cervo (Lugo) con 1.661 euros grazas á empresa Alcoa. Fene e O Ferrol ocupaban o 3º e 4º posto con pensións de 1.653 e 1.602 euros respectivamente, que deixaban ver o impacto de Navantia na economía de toda Ferrolterra. O resto do top 10 baixaba dos 1.600 euros de media: A Coruña con 1.552 €, Ares con 1.544, Oleiros con 1.526, Bueu con 1.525, e Vigo con 1.519, quedaban por diante dos 1.515 euros de Santiago.

  As cifras do Instituto Galego de Estatística (IGE) variaban, non só por zonas, senón tamén por idades. Os primeiros xubilados nados durante a época do baby boom percibían pensións máis altas. Por exemplo, en Santiago os que estaban entre os 65 e 74 anos recibían de media 1.755 euros, mentres que para os que estaban entre os 75 e os 84 a cifra baixaba a 1,543 euros. Doutra banda o grupo dos prexubilados antes de cumprir os 64 tiñan os máis baixos ingresos cunha media de 1.125 euros ao mes (aínda que a mediana -o groso das pensións- era de só 891 euros).

  Mirando só a área metropolitana de Santiago, o 2º concello con pensións máis altas era Teo con 1.441 euros, seguido por Ames con 1.375 e Vedra, con 1.243 euros. O 5º posto era para Oroso con 1.210, mentres que Ordes ocupaba o 9º posto, detrás de Padrón, Brión e Boqueixón.

 

CONCELLO	Pensionistas	% da pob.	Pensión media
Cerceda	1.560	30,5 %	1.121,65 €
Frades	786	37,1 %	1.020,52 €
Mesía	883	37,3 %	1.049,07 €
Ordes	3.289	25,3 %	1.143,76 €
Oroso	1.448	14,7 %	1.210,47 €
Tordoia	1.253	39,7 %	902,32 €
Trazo	1.037	34,7 %	979,89 €

 

  Como podedes ver na táboa, a comarca estaba entre os algo máis de 1.200 euros de Oroso aos case 900 euros raspados de Tordoia. Interesante tamén era comparar o 14 % de pensionistas en Oroso (o concello máis xuvenil e dinámico) co máis de 34 % dos concellos periféricos, destacando o  case 40 % de Tordoia.