Os Moar de Barbeiros e Poulo

 Se ben a familia Moar máis coñecida é a de Buscás, hai máis xente con ese apelido no concello. Ignoro se teñen unha orixe común ou outra procedencia distinta, tal vez Frades.

 

 

  A maioría dos Moar de Barbeiros deben proceder de Enrique Moar (1858-1924) e da súa muller Antonia Suárez. O herdeiro foi José Moar Suárez (1879-1967) que casaría con Carmen Suárez -probablemente Carmen Suárez Paz (1872-1947)-. Con ela tería polo menos 7 fillos: Enrique, Dolores, María Antonia, Josefina, Manuela, Ricardo e Carmen Moar Suárez.

  Enrique Moar Suárez (1909-1992) casou con Mª José Suárez Botana (1912-1986), así que os seus fillos, Benedicto e María, tamén tiveron os mesmos apelidos.

  Dolores Moar Suárez (1913-1995) foi a máis coñecida na vila porque casou con Emilio Pérez Ramos (1904-1987) Emilio de Peres, que tiña unha taberna na prolongación dos Lagartos. Terían dúas fillas e un fillo: María, Dolores e José Pérez Moar.

  María Antonia e Josefina emigraron.

  Manuela Moar Sánchez (1919-2013) casou con Ramón Sánchez Couto da Maquía de Vilamaior, co que tivo dous fillos: José María e Mª Carmen.

  Ricardo Moar Suárez (1927-2022) casou con Amadora Veiras Rivas (1930-2014) coa que viviu en Fondo de Aldea (Barbeiros) e coa que tivo tres fillos. Mª José, José Antonio e José Manuel Moar Veiras.

  De Carmen non teño datos.

 

En Ramil (Barbeiros) tamén viviu Manuel Moar Botana (1910-1994), casado con Josefa Veiras Martínez (1912-1997) coa que tivo 6 fillos (Tres deles nados no mesmo parto en 1948): José Manuel, Mª Dolores, Dolores Mª, Jesusa, Enrique e Antonio. Un irmán seu máis novo, Jesús Moar Botana, viviu en Sigüeiro e foi pai de José Mª e Manuel Moar Mosquera

 

  En Poulo viviron os irmáns Moar Graña (dous polo menos). O máis novo, Ricardo Moar Graña (1907-1989), viviu na Rúa de Buscás a carón do seu sobriño Antonio e non tivo descendencia. En cambio Antonio Moar Graña (1899-1985) casou con Josefa Figueira Liste (1905-1977), coa que viviu en Pardiñas e coa que tivo 5 fillos: María, José, Ricardo, Aurora e Antonio Moar Figueira.

  María Moar Figueira (1925-1974) a maior tivo un fillo de solteira aos 22 anos. Foi o membro máis coñecido da familia, o construtor José Moar Figueira (1947-2022) que viviu no Paraíso e casou con Mª Dolores Tobío Areoso, filla de Eusebio Tobío e de Jesusa Areoso, coa que tivo dous fillos. O maior, Alberto, tamén é moi coñecido porque traballa nas oficinas do Concello e casou con Chus Areoso, filla de Domingo Antonio Areoso do Piñeiro. O segundo irmán, Manuel María, morreu nun accidente aos 24 anos de idade.

  José (1928-1957) e Ricardo (1930-1991) emigraron á Coruña e alí viven os seus descendentes.

  Aurora Moar Figueira casou co carteiro de Buscás Rogelio Manteiga Noya (1930-2020) con que viviu na Rúa. Tiveron un único fillo, José Carlos Manteiga, que vive no Quenllo coa súa muller María del Mar Candal Gómez.

  Antonio Moar Figueira (1943-2010) casou con Plácida Iglesias Gaudeoso (1942-2025) coa que viviu na Rúa. Tiveron catro fillos: Mª Dolores, Juan Manuel, Ana Belén e Fernando Moar Iglesias.