O ano 1914

   Loxicamente o ano 1914 será lembrado por ser o inicio da 1ª GM, suceso que opaca a todos os demais, pero non é o único importante. 

  Por exemplo tamén é o ano da chegada de Woodrow Wilson á Casa Branca e o comezo do espertar dos Estados Unidos como gran potencia. Cando acabe a guerra, por primeira vez en séculos, Europa xa non estará soa ao mando. A primeira demostración é que ese ano inaugurouse o Canal de Panamá, feito e controlado polos estadounidenses (despois do fracaso francés).

  España vive novamente un cambio de goberno. O conservador galego Eduardo Dato Iradier será o presidente que convoque eleccións. Cando a guerra europea estala, o noso país declárase neutral, basicamente porque non estabamos en condicións de axudar a ningún bando. Tampouco habería acordo a quen apoiar: a dereita era en xeral xermanófila mentres a esquerda era partidaria dos aliados, pero con excepcións en ambos os dous bandos. En todo caso, o conflito axudou ao desenvolvemento da nosa industria porque as necesidades dos contendentes aumentaron e a competencia comercial baixou. Claro que tamén aumentou a inflación.

  A nivel sanitario houbo unha grave epidemia de tifus, menos coñecida que a de gripe que atacaría 4 anos despois.

  En Galicia sufrimos fortemente esa epidemia de tifus por contaminación das fontes de auga. Vigo, que tiña uns 45.000 habitantes, tivo case 1.000 mortos (mentres Barcelona tivo 2.000 cunha poboación de 600.000 habitantes).

  A emigración descendeu ese ano en toda España e tamén en Galicia debido á guerra e ás malas condicións económicas americanas. Aínda así saíron máis de 22.000 emigrantes (6.400 da provincia coruñesa) con destino principalmente a Arxentina. Por certo que a viaxe en 3ª clase custaba entre 85 e 100 pesetas, unha pequena fortuna naqueles tempos.

  En Ordes segue o dominio de Saturnino Aller, agora sen discusión. De feito o candidato liberal, Alfredo Vicenti, non ten que competir nas eleccións pois non hai adversario, así que é proclamado deputado polo artigo 29.

  Como sempre, abundaban os actos violentos. O 12 de febreiro dese ano en Castro (Mesía) Manuel Seijas Boo, un mozo solteiro de 23 anos, apuñalou e matou a Ramón Verea Vilariño, tamén solteiro de 53. 

  E da crónica social destaca o paso da Infanta Isabel la Chata, a personalidade máis popular e querida da familia real aos seus 63 anos, que ese verán veu de visita a Galicia. 

  O 7 de xullo, despois dunha estancia na Coruña, dirixiuse a Santiago nun coche engalanado con flores. Fixo unha parada en Carral e logo, ás 12:45 pasou por Ordes entre repenique de campás e a "Marcha Real" tocada por unha banda de música. Detívose e foi cumprimentada polas autoridades. Tamén recibiu un ramo de flores ofrecido por un grupo de fermosas señoritas. A infanta, compracida, deixou un donativo para os pobres e despediuse entre os aplausos do numeroso xentío que se congregara para vela.

  Posteriormente tamén parou en Sigüeiro. Alí volveu ser cumprimentada polas autoridades (despois de comer, que xa era a hora), volveu deixar outro donativo e volveu ser aclamada polos paisanos.

 

Lista de industriais en maio de 1913

Ramón Calvo Vieites	ferraxería	Calle Real
Antonio Viqueira	obxectos de latón	Calle Real
Juan Liñares Iglesias	mercería	Calle Real
José Romero Faya	mercería	Calle Real
Manuel García Bermúdez	mercería	Calle Real
Juan Barreiro Ríos	ultramarinos	Calle Real
Carmen Mato González	ultramarinos	Calle Real
Pedro Sánchez Neira	carne	Calle Real
María Vaamonde García	carne	Calle Real
José Viqueira Vieites	comestibles	Calle Real
Manuel Iglesias	comestibles	Ponte
Manuel Franqueira	comestibles	Ponte
Antonio Amado Amado	viños ao por menor	Calle Real
Manuel Castro Liste	viños ao por menor	Calle Real
José Mariño	viños ao por menor	Calle Nueva
Manuel Vieites Franqueira	taberna	As Casillas
Cándido Castaño Franco	chocolatería	Calle Real
Ricardo Trasmonte	bodegón	Calle Real
Francisca Remuiñán	bodegón	Calle Real
Ventura Caramelo Paz	bodegón	Calle Real
Luis Ferreiro Franqueira	bodegón	Calle Real
Antonio Ramos	bodegón	Mesón do Vento
Antonio Bascoy Castro	bodegón	Vilamaior
Antonio Grela Veiras	bodegón	Montaos
Joaquín Sanmartín	bodegón	Poulo
José Sánchez Somoza	fábrica de gasosa	Calle Real
Juan Barreiro Ríos	muíño 2 pedras	Calle Real
	salto de auga	Calle Real
Susana Gómez	muíño 2 pedras	Leira
	salto de auga	Leira
Ramón Faya Fernández	fábrica de curtidos	Ordes
	muíño uso exclusivo	Ordes
Manuel Álvarez del Río	farmacia	Calle Real
José Mª Carballido	farmacia	Calle Real
Carlos Troche Rivas	veterinario	Calle Real
Domingo A. Moar	avogado e agrimensor	Calle Real
Andrés Domínguez Guitián	avogado e notario	Calle Real
Celestino Amigo Oreiro	avogado	Calle Real
José Iglesias Álvarez	avogado	Calle Real
José Carnota Pérez	procurador	Calle Real
Policarpo Rivas Godoy	procurador	Calle Real
Andrés Villar Santos	procurador	Calle Real
Manuel García Rivas	procurador	Calle Real
Baldomero Posse Pérez	actuario	Calle Real
José Calviño	forno de pan e tenda	Calle Real
Juan Eirín	forno de pan e tenda	Calle Nueva
Manuel García Bermúdez	forno de pan e tenda	Calle Real
	cobrador letras de xiro	Calle Real
José Vázquez	reloxeiro	Calle Real
Ramón López	parada de sementais	Leira
José Veiras Camba	parada de sementais	Poulo