A familia de la Fuente (pan)

  Desde tempos antigos é famoso o pan de Carral. En todo o concello houbo sempre gran abundancia (mesmo exceso) de bos panadeiros, así que moitos tiveron que emigrar a outros lugares. De Herves un par de familias, emparentadas entre si, emigraron a Ordes.

  Juan Eirín Barros e a súa irmá Dolores establecéronse na vila. Juan morreu solteiro en 1924, aos 66 anos de idade, e Dolores casou con Luis Ferreiro (dos Ferreiros do norte) e foi a matriarca dos de Luis. Outro irmán, José, montou a súa panadería ... en Vimianzo!

  Os de la Fuente Eirín foron cinco irmáns (José, Dolores, Rosario, María e Estrella) dos que tres tamén se estableceron en Ordes. A abundancia de mulleres e a emigración fixo que actualmente o primeiro apelido case teña desaparecido do noso concello. Só quedan na actualidade Francis de la Fuente Areoso e a profesora Olga Iglesias de la Fuente Olga de Che.

 

  José de la Fuente Eirín, o irmán maior, máis coñecido como Che, estableceuse na Fonte Estrei. Casou con Joaquina Mouriño Barreiro (1898-1978) coa que tivo 5 fillos: Carmen, José, Francisco, Estrella e Aurita de la Fuente Mouriño.

  Os dous fillos varóns, Pepe e Paco, emigraron a Venezuela e Carmen morreu en 1969 con só 41 anos de idade. Estrella (1934-1978) casou con José Iglesias Carballido* co que tivo unha única filla, Olga. Despois de enviuvar, José casou con Aurita (1940-2006), a irmá menor de Estrella. El foi quen continuou coa panadería á morte do seu sogro, ata finais dos 90. O negocio seguiu funcionando logo co mesmo nome pero xa noutras mans alleas á familia.

 

   Rosario de la Fuente Eirín, tamén coñecida como Rosaria, instalouse no Paraíso e casou con Antonio Martínez Barros (1902-1968), que procedía de Vilacoba (Abegondo) dunha familia de sete irmáns, dos que tamén Ricardo Martínez Barros se instalou en Ordes onde fundou o Nogallás. Rosario e Antonio tiveron 6 fillos: Antonio, Carmen, María, Elvira, Aída e Áurea Martínez de la Fuente.

  Antón (1929-1996), o maior, casou con Amparo Martínez Seijas (1930-2016) Amparito. Esta era filla de Eduardo Martínez Santiso (1898-1961), o encargado do Serradoiro Viúva de Antonio Wais* (aínda que nesa época pertencía aos Aperribay). Antón e Amparito viviron na prolongación dos Lagartos. Tiveron 4 fillos: Charo, Antón, Merchi e José.

  Das outras 5 fillas, Carmen morreu nova con 36 anos en 1967, María casou con Manuel del Río Caamaño, Elvira con Ricardo Martínez, Aída non casou e Áurea e o seu marido emigraron ao Reino Unido pero volveron e establecéronse na Coruña.

 FONTE: Antón Leandro Martínez Rodríguez

    María de la Fuente Eirín casou con Pedro de Hilario, propietario do estanco do Mesón do Vento, con quen tivo tres fillas: Amparo, Carmen e Estrella. Foi a que morreu máis nova de todos os irmáns, en xuño do ano 1941. 

 

* Non confundir con José Iglesias Carballido (1940-2015), o propietario do Bar Salón nos Parques Municipais.

  Julia San Martín Patiño (1846-1933), viúva de Antonio Wais Facorro (1838-1912).