Apelidos de Ordes (ILG)

  O apelido máis habitual en España é García con preto de millón e medio de portadores. Pero ... cal será o apelido máis habitual en Ordes? 
  Se contestastes "García" ... premio!

  Os 5 apelidos que máis abundan en Ordes son con pequenas variacións os mesmos que en Galicia e en España. Si, hai dúas notables variacións: González e Fernández, moito menos comúns que no total de Galicia e España.

  Os primeiros apelidos típicamente galegos da lista son Mosquera no 6º posto (Oroso é o concello de Galicia coa maior porcentaxe deste apelido) e Castro no 8º posto (Tordoia é o concello coa porcentaxe máis alta de toda Galicia). Iglesias, no noveno, pese á súa aparencia castelá tamén é moito máis frecuente en Galicia que no resto de España (A porcentaxe máis alta está no concello de Val do Dubra).

  No 10º, 11º e 12º posto temos tres apelidos probablemente orixinarios do noso concello ou zona moi próxima: Candal, Del Río e Veiras.

  Outros apelidos típicos do noso concello ou comarca pero con menos portadores son: Becerra (Tordoia), Boquete, Botana (Frades), Franqueira, Garaboa (Mesía e Cerceda), Gestal (Carral), Grela (Cerceda e Tordoia), Juncal, Liñares (Tordoia), Liste (Tordoia), Mirás (Oroso), Moar, Prego (Cerceda), Pulleiro (Val do Dubra), Recouso, Regos, Ríos (Trazo), Uzal (Mesía), Villasenín e Viqueira.

  Estes datos son do ILG (Instituto da Lingua Galega) tomados da páxina web "Cartografía dos apelidos de Galicia". Os datos do IGE (Instituto Galego de Estatística) son algo diferentes, pero iso verémolo noutra entrada deste blog.