Aves paseriformes

  Os paseriformes son a orde máis moderna das aves. Son boas voadoras e teñen tarsos curtos e delgados con catro dedos independentes, tres dirixidos cara a adiante e un cara a atrás, pero os seus rasgos máis definitorios son internos como a estructura do padal ou das células espermáticas. Aínda que en xeral son de pequeno tamaño (roldando os 15 cm), algunhas familias como os oriólidos, os estúrnidos e, sobre todo, os córvidos superan bastante estas cifras.

  A pesar de que teñen unha antigüidade de só 50 millóns de anos, constitúen aproximadamente o 60 % do total de aves e abranguen máis de sesenta familias, polo tanto tamén hai moitas especies na comarca (máis de 50 dunhas 25 familias distintas).

 

  Aínda que poida parecer sorprendente, os córvidos pertencen á orde dos paseriformes dos que son a familia con individuos de maior peso e tamaño. Na comarca hai 4 especies: os ubicuos corvo común, corvo pequeno e pega e a menos habitual pega marza.

  Os estúrnidos representados polo estorniño negro, os lánidos polo picanzo real e os oriólidos polo ouriolo (tamén coñecido como vichelocrego ou papafigos) teñen tamaños superiores aos 20 cm.

  Tamén as 3 especies de túrdidos, entre eles o merlo (o máis coñecido pola súa presencia habitual preto do home) chegan aos 20 cm. En cambio as 3 especies de aláudidos (cotovías e laverca) xa non alcanzan ese tamaño.

corvo grande	(Corvus corax)	cuervo
corvo pequeno	(Corvus corone)	corneja negra
pega común	(Pica pica)	urraca
gaio, pega marza	(Garrulus glandarius)	arrendajo
estorniño negro	(Sturnus unicolor)	estornino negro
picanzo real	(Lanius meridionalis)	alcaudón real
ouriolo	(Oriolus oriolus)	oropéndola
merlo	(Turdus merula)	mirlo
tordo común	(Turdus philomelos)	zorzal común
tordo charlo	(Turdus viscivorus)	zorzal charlo
cotovía cristada	(Galerida cristata)	cogujada
cotovía pequena	(Lullula arborea)	totovía
laverca	(Alauda arvensis)	alondra

  As especies paseriformes de pequeno tamaño son moi numerosas. Ás familias dos frinxílidos (pimpín...), motacílidos (lavandeiras), sílvidos (papuxas), páridos (ferreiriños), hirundínidos (andoriñas), muscicápidos (cotovías) e emberícidos (escribentas) pertencen 26 especies (o 50 % de todas as de paseriformes da comarca de Ordes). Entre eles están algunhas das máis abundantes como a andoriña de cu branco, a lavandeira branca, o paporroibo, o chasco ou o pimpín.

andoriña de cu branco	(Delichon urbicum)	avión común
andoriña das barreiras	(Riparia riparia)	avión zapador
andoriña	(Hirundo rustica)	golondrina
pica das árbores	(Anthus trivialis)	bisbita arbórea
lavandeira branca	(Motacilla alba)	lavandera blanca
lavandeira real	(Motacilla cinerea)	lavandera cascadeña
lavandeira marela	(Motacilla flava)	lavandera boyera
merlo acuático	(Cinclus cinclus)	mirlo acuático
carrizo	(Troglodytes troglodytes)	chochín
azulenta	(Prunella modularis)	acéntor
paporroibo	(Erithacus rubecula)	petirrojo
rabirrubio tizón	(Phoenicurus ochruros)	colirrojo tizón
chasco	(Saxicola rubicola)	tarabilla

reiseñor da auga	(Cettia cetti)	ruiseñor bastardo
carriza dos xuncos	(Cisticola juncidis)	buitrón
folosa amarela	(Hippolais polyglotta)	zarcero
papuxa común	(Sylvia communis)	curruca zarcera
papuxa do mato	(Sylvia undata)	curruca rabilarga
papuxa picafollas	(Sylvia borin)	curruca mosquitera
papuxa das amoras	(Sylvia atricapilla)	curruca capirotada
picafollas común	(Phylloscopus collybita)	mosquitero común
estreliña riscada	(Regulus ignicapilla)	reyezuelo listado
ferreiriño rabilongo	(Aegithalos caudatus)	mito
ferreiriño azul	(Cyanistes caeruleus)	herrerillo común
ferreiriño cristado	(Lophophanes cristatus)	herrerillo capuchino
ferreiriño abelleiro	(Parus major)	carbonero común
ferreiriño negro	(Periparus ater)	carbonero garrapinos

gabeador azul	(Sitta europaea)	trepador azul
gabeador común	(Certhia brachydactyla)	agateador común
pardal común	(Passer domesticus)	gorrión común
pardal montés	(Passer montanus)	gorrión molinero
pimpín común	(Fringilla coelebs)	pinzón vulgar
xirín común	(Serinus serinus)	verdecillo
verderolo	(Chloris chloris)	verderón común
xílgaro	(Carduelis carduelis)	jilguero
liñaceiro común	(Linaria cannabina)	pardillo común
paporroibo real	(Pyrrhula pyrrhula)	camachuelo común
escribenta común	(Emberiza cirlus)	escribano soteño
escribenta amarela	(Emberiza citrinella)	escribano cerillo
escribenta riscada	(Emberiza cia)	escribano montesino