Mapa de Frades

Preme para ver o mapa máis grande.

  O concello de Frades presenta un relevo suavemente ondulado con altitudes que van dos 280 metros (na zona sur e oeste) a máis de 400 metros (no norte e leste). De feito ao norte, no límite con Mesía, atópase o punto máis alto do concello con máis de 430 metros. 

 Hai tres amplos vales formados polos ríos Samo ao oeste, Maruzo e o seu subafluente Gaiteiro no centro, e o Tambre ao sueste facendo fronteira co Pino, Arzúa e Boimorto.

  A suavidade do relevo explícase pola composición do terreo: os xistos metamórficos precámbricos, coñecidos como xistos de Ordes, que son facilmente modelables. Só algúns afloramentos de cuarzo como o monte Peñasco (parroquia de Abellá) dan lugar a formas máis abruptas.

  O clima, como no resto da comarca, é oceánico hiperhúmido.

  A poboación é escasa e decrecente. Está repartida en 12 parroquias.

  Conta con lugares de gran beleza e un interesante patrimonio artístico. De propina, aquí tedes un vídeo sobre o concello.