Poboación da comarca 2025

  O ano 2023 foi unha sorpresa total no ámbito da poboación: por primeira vez en moitos anos a comarca gañou novos habitantes. Si, foron só 64, pero acostumados a anos de descenso permanente, ese pequeno número soubo a gloria. 2024 confirmou que aquela subida non fora algo puntual. Os números (120 novos habitantes) volveron a ser modestos pero mellor iso que nada.

  2025 continuou coa tendencia, rexistrando 184 novos habitantes, así que a poboación total da comarca a 1 de xaneiro de 2025 era de 36.504 habitantes (48,3 habitantes / km cadrado).

  Pero coma sempre a responsabilidade dese aumento recaeu nos tres concellos centrais (Cerceda, Ordes e Oroso), aos que nesta ocasión uníuselles Trazo. Tanto en termos absolutos como relativos Ordes superou a Oroso que era habitualmente o concello máis dinámico. Mentres Ordes aumentou en 218 almas (un 1,7 %) Oroso apenas medrou e ata se viu superado por Cerceda.

  Doutra banda os concellos periféricos (agás Trazo) volveron a perder habitantes. Como líder negativo repetiu Frades que nos dous últimos anos perdeu case o 6% da súa poboación.

 

  E de propina aquí tedes tamén a poboación dos principais concellos de Galicia.