Velaquí os apelidos máis frecuentes na
comarca de Ordes*. Como podedes ver, nove dos dez primeiros son os típicos
apelidos rematados en "ez" comúns a toda España, con García no 1º posto (nisto parecémonos
máis a España que á propia Galicia onde os que mandan son Rodríguez e Fernández
-este último na comarca está nun discreto 9º lugar-).
Só rachan esa dinámica o apelido Mosquera no 7º posto, e logo Fraga, Iglesias e Rey dentro dos 15 primeiros.
Se nos fixamos en cada concello
individualmente empeza a haber máis diferenzas e aparecen apelidos máis
enxebres con seguro nacemento na comarca. Aínda que só vendo a lista é difícil
decatarse, hai unha clara dicotomía entre os concellos orientales (Frades e
Mesía) e os occidentales (Tordoia e Trazo), mentres os tres centrais comparten
máis apelidos coas outras dúas zonas.
En Frades e Mesía predomina o apelido Sánchez e hai outros como Manteiga,
Carro, Botana, Uzal ou Quindimil.
En Tordoia e Trazo hai unha maior variedade
de apelidos típicos da zona. En Tordoia, Fraga encabeza a súa lista e atopamos
outros apelidos como Cancela, Costa, Calviño, Lamas, Señarís, Liñares, Liste
...
En Trazo non é o máis destacable que Noya encabece a súa lista, senón que García non aparece ... ata o 12º posto!
Ten apelidos como Domínguez (raros na comarca) e despois dos 15 primeiros
aparecen outros como Liste, Mallo, Landeira, Muiño ...
* Os datos da primeira táboa
están recollidos do ILG (Instituto
da Lingua Galega) na súa páxina Cartografía dos apelidos de Galicia, mentres
que as listas da segunda táboa foron feitas a partir dos datos da páxina
do IGE (Instituto Galego de
Estatística).
No hay comentarios:
Publicar un comentario