O vernes 29 de marzo celebrouse a 4ª edición
(3ª en Ordes) da Gala contra contra o Cancro que organizaba a orquestra
Panorama.
Sen chegar ás multitudes que houbo no 2009 e 2010, miles de persoas encheron o campo da feira a pesar de que nesta
ocasión o tempo non acompañou totalmente e houbo unha molesta chuvia.
A gala foi presentada polo humorista Roberto
Vilar, moi coñecido polo programa da TVG "Land Rober". Acompañaban os
tamén humoristas da TVG Marcos Pereiro e Xosé Antonio Touriñán cos seus personaxes
de Mucha e Nucha, as Cantareiras de Ardebullo.
Polo escenario desfilaron unha morea de
artistas consagrados: Malú, Merche, Pitingo, Ana Torroja, Melocos, Cherito, La
Guardia e Robert Ramírez, aínda que o que acadou os maiores aplausos foi o
brasileño Carlinhos Brown.
A gala contou cun amplo dispositivo de
seguridade que incluíu más de 100 persoas entre membros de seguridade privada,
Policía Local, Garda Civil, Protección Civil, Bombeiros, Axencia Galega de
Emerxencias e Cruz Vermella. Afortunadamente non houbo incidentes de
importancia.
Como sempre as ganancias da venda de CDs e
camisetas foron destinadas á Asociación
Española contra el Cáncer. O alcalde Manuel Regos congratulouse do novo
éxito de público, pero quedou facendo moitos números. Eran tempos de crise e a
débeda do Concello aumentaba de ano en ano. Era o momento de pechar a billa, así que esta sería a última gala
celebrada en Ordes. A do ano 2012 xa tería lugar en Vilagarcía de Arousa.
No hay comentarios:
Publicar un comentario